Çfarë do të ndodhë me Lulzim Bashën nëse humbet zgjedhjet? Flet Grida Duma

Ish-deputetja e PD, Grida Duma deklaroi në formë të prerë se nuk ka asnjë mundësi që PD dhe PS të bëjnë një koalicion të madh.

Megjithatë, Grdia Duma nuk shpjegoi se çfarë ndodh me lidershipin e PD nëse humben zgjedhjet e prillit.

Pjesë nga intervista në Vizion Plus:

Nëse nuk arrini të siguroni 71 mandate, underground flitet për një bashkëpunim apo për një koalicion të madhë PD – PS, është i mundshëm, ekziston si opsion?

Duma: Zero.

Lulzim Basha nëse nuk arrini të siguroni 71 mandate duhet të largohet nga drejtimi i Partisë Demokratike?

Duma: Le të flasim për të ndodhshmet, jo të pandodhshmet. Le të flasim për të ndodhshmet, të gjitha gjasat, gjithçka e çon Lulzim Bashën të jetë kryeministri i ardhshëm i Shqipërisë dhe Shqipëria ka nevojë për këtë, të qetësohet, të normalizohet, të nis një jetë normaliteti pa çmenduri dhe pa herë pas here psikopatike.