Nënkryetarja e LSI, Erisa Xhixho shprehet se LSI kërkon fuqizimin e grave, ndërsa tha se 25 prilli do të bëjë ndarjen nga kjo qeveri që shkeli shtetin e së drejtës dhe qeveria e re që do të vijë më një program realist si ajo që ka prezantuar LSI.
“Sot numri i grave të papuna është më i lartë. 1/4 e bizneseve drejtohet nga gratë janë ato që u prekën më shumë nga bizneset. Ne kemi një politikë që padyshim kërkon fuqizimin e grave dhe vajzave të reja. Qasja jonë është edhe që të kemi tregues të matshëm me afate kohore. Ne kemi një program realist që i vjen në ndihmë disa shtresave të shoqërisë që kërkojnë ndërhyrje emergjente që të dalim nga kjo krizë ekonomike. Në 2017-n ne jemi e vetmja parti që jemi gjobitur se kemi vendosur tre vajza në krye të listës.
Pra, qasja jonë ka qenë gjithmonë për t’i dhënë përparësi të rinjve dhe grave e vajzave. LSI i ka dhënë shansin për tu promovuar dhe për të ecur në politikë. Padyshim që kjo do të jetë edhe në listat për 25 prillin. Për mua sfidë është programi që LSI e ka shumë realist por padyshim edhe kandidaturat. Zgjedhjet e 25 prillit janë shumë të rëndësishme dhe jetike. Më 25 prill do të ndëshkohet një qeveri që rrënoi shtetin e së drejtës dhe nuk mbajti premtimet. Do vijë një qeveri e re me një program realist”, – tha Xhixho.
Diskutime rreth kësaj post