Kryetari i Lëvizjes Vetëvendosje në Shqipëri, Boiken Abazi, i cili është njëra nga kandidatët zyrtarë të kësaj lëvizjeje në zgjedhjet e 25 prillit në Shqipëri, tha se një nga arsyet pse shqiptarët duhet t’u besojnë është fakti se LVV është konsekuente në kauzat që ka mbështetur, të cilat nuk i ka braktisur siç kanë bërë subjekte e tjera politike në Shqipëri.
Sipas tij, ashtu si në Kosovë edhe në Shqipëri ekziston nevoja për një ndryshim urgjent të modelit ekonomik.
“Unë mendoj se në këto 30 vite kemi parë shumë dështime, kauza të braktisura.Aktualisht kemi një problem me qeverinë aktuale që i ka kapur të gjitha sistemet; ushtron ndikim edhe në sistemin e drejtësisë, ka miratuar një kod zgjedhor për të penguar opozitën dhe subjektet e vogla. Me këtë kod zgjedhor, për një mandat në Tiranë duhen minimalisht 16 mijë vota, pra është përpjekur të shtojë pengesat për alternativa të reja”, tha z. Abazi.
Ai u bëri thirrje shqiptarëve që të bashkohen në një lëvizje, hap që siç tha është nisur nga Vetëvendosja nën ndikimin e Rilindjes kombëtare, teksa theksoi se entuziazmi i fitores së thellë të LVV në zgjedhjet e 14 shkurtit në Kosovë, do të reflektohet edhe në Shqipëri.
Diskutime rreth kësaj post