Kapiteneria e Vlorës ka njoftuar pezullimin e lundrimit për mjetet e vogla dhe të peshkimit në portin e Vlorës, për 48 orët e ardhshme. Shkak për pezullimin është bërë përkeqësimi i motit dhe parashikimet për orët në vijim.
Anijet pasagjere të transportit ndërkombëtar detar nuk janë pezulluar.
Njoftimi i plotë:
“Pezullohet lundrimi i mjeteve të vogla të lundrimi dhe anijeve të peshkimit. Në baze të parashikimit të kushteve hidrometeorologjike për 48 orët e ardhshme në portin e Vlorës dhe jashtë saj do të jenë si më poshtë: era dhe deti ne drejtimin JUG-JUGPERENDIM forca 5-6bft 10-15m/s brenda gjirit të Vlorës;
dhe jashtë gjirit të Vlorës : era dhe deti në drejtimin JUG-JUGPERENDIM forca 6-7bft deri 8bft 15-25m/s jashtë. Janë pezulluar të gjitha mjetet e vogla lundruese dhe ato të peshkimit.
Anijet pasagjere te transportit ndërkombëtar detar nuk janë pezulluar!
Në datën 24.01.2021 në orët e para të ditës do të ketë një përmisim të lehtë në drejtimin Veri-VeriPerëndim por do të përkeqësohet përsëri në drejtimin JUG-JUGPERENDIM me kushtet e mëparshme.
Përmirësimi i kushteve hidrometeorologjike për mjetet e vogla lundruese dhe ato të peshkimit do të jete ne datën 26.01.2021 ora 06:00.”-shkruan Kapitenaria.
Diskutime rreth kësaj post