Kryetari i PD-së, Lulzim Basha pasditen e sotme ka qenë në Torovicë për të parë nga afër zonat e përmbytura.
Njëri nga banorët tha se janë mbi 70 familje të bllokuara prej 5-6 ditësh.
“Nuk ka ardhur asnjë prej qeverisë, që mos qoftë më. Mbi 70 familje kemi mbetur të izoluara. Sa herë bie shi, kështu bëhet det. Tokat janë në ujë, papunësia e madhe. Asnjë lloj shpërblimi” tha ai.
Ndërkohë duke përfituar nga takimi me liderin demokrat, njëri nga banorët e Torovicës kishte një porosi për Bashën që të kishte parasysh ish-deputeten Lindita Metalia, duke qenë se jemi në prag të zyrtarizimit të listave për zgjedhjet.
“Sa ka ngritur zërin kjo që ke në krah për ne 30 vite nuk e ngritur kush, pavarësisht votimit në Lezhë. Unë kërkoj me ma pasur parasysh”.
Por Basha iu përgjigj. “Sot nuk kemi ardhur për atë punë”. Ndërsa banori i tha se “Është problemi që unë nuk mund të takoj më, nuk mund të vij në Tiranë të takoj, meqë të kam këtu po ta them” tha ai.
Diskutime rreth kësaj post