Moti i keq përfshin vendin, dalin pamjet se çfarë kapi sateliti për përmbytjet në Shqipëri dhe si pritet të jetë koha në dy ditët në vijim

Moti i keq ka përfshirë vendin tonë dhe është shoqëruar me përmbytje në disa zona gjatë natës së mbrëmshme dhe ditës së sotme, sidomos në Ultësirën Perëndimore.

Gjatë ditës së sotme, ka pasur përmbytje në Shkodër, Lezhë, Durrës, Laç dhe Vlorë.

Reshjet e dendura ishin parashikuar më parë edhe nga IGJEUM, ku instituti bënte thirrje që të kihej kujdes gjatë 24 orëve që lamë pas.

Ndërkohë, gjithçka është konstatuar edhe nga satelitët e motit mbi Europë. Nga pamjet e publikuara duket se kulmi i reshjeve gjatë 24 orëve të fundit është arritur në Vlorë duke shënuar 10-20 milimetra në orë.

Por nuk mbaron me keq. Vendi do të përballet me reshje të dendura edhe gjatë dy ditëve të ardhshme, ku në zona si Shqipëria Qendrorë dhe ajo Perëndimore do të shënohen reshje shiu me një intensitet 10-15 milimetra në orë.