Në përgjithësi mediat greke kanë pasqyruar me korrektesë vizitën e kryeministrit Rama në Turqi. Agjencia shtetërore e lajmeve bën me dije se “Pala shqiptare nuk lëshoi një deklaratë mbi vizitën, por u bë e njohur se ajo u zhvillua me ftesë të Presidentit turk Rexhep Tajip Erdogan. Është një delegacion i qeverisë shqiptare i kryesuar nga kryeministri shqiptar qe po bën një vizitë zyrtare dy-ditore në Ankara. Në ditën e saj të parë sot, ai u prit nga Presidenti Erdogan në Pallatin Presidencial, ndërsa u nënshkruan tre marrëveshje në fushat e shëndetësisë, kulturës dhe infrastrukturës. Pala turke u premtoi zyrtarëve shqiptarë se një degë e Politeknikut të Ankarasë së shpejti do të hapet në Tiranë.”
Sa u përket kanaleve televizive televizioni shtetëror është në të njëjtën linjë si Agjencia shtetërore e lajmeve.
Kanali privat “Open” e quan zhvillim interesant i 24 orëve të fundit, pasi ka ndodhur 24 orë pas bisedës telefonike të ministrit të Jashtëm Nikos Dhendias me Edi Ramën, në një moment kur dy vendet negociojnë për përcaktimin e kufirit detar.
Kanali “Open” nuk e shikon me sy pozitiv marrëveshjen e Shqipërisë me Greqinë për të shkuar në Hagë dhe për të përcaktuar në ketë mënyrë kufirin detar mes tyre si dhe zgjerimin e zonës detare greke nga 6 në 12 milje.
Televizioni “Skai” ka kryer lidhje direkte me korrespodentin në Ankara dhe në fund është konkluduar se është i njohur kjo marrëdhënie mes Erdogan dhe Rama.
Sipas kanalit televiziv “MEGA”, në qendër të takimit është marrëveshja e detit si dhe shtëpitë për të dëmtuarit nga tërmeti. Theksohet gjithashtu se shqetësohet Turqia për zgjerimin e ujërave detare në Jon nga ana e Greqisë në 12 milje, fakt që mund të sjellë edhe zhvillime të reja në Egje dhe Mesdheun lindor.
Në media u pasqzrua për diskutimin e çështjeve rajonale si dhe dypalëshe, në çdo lloj fushe politike, ushtarake, ekonomike dhe kulturore.
Këto media theksojnë se “Turqia është partneri i katërt më i madh tregtar i Shqipërisë. Se ka me shumë se 600 kompani që operojnë në Shqipëri me rreth 15,000 punonjës. Se synohet rritja e investimeve turke në infrastrukturë dhe turizëm në Shqipëri.“
Diskutime rreth kësaj post