Rama bën deklaratën e fortë ndaj presidentit: Ky projekt pengohet nga Ilir Meta

Kryeministri Edi Rama ka qenë në Vlorë, nga ku ka inspektuar tre projekte të rëndësishme të financuara nga qeveria shqiptare.

Rama është shoqëruar nga kreu i Bashkisë së Vlorës, Dritan Leli, ku ky i fundit ka vënë në dukje se kërkohet një firmë nga presidenti Ilir Meta për të përfunduar këtë projekt.

Më pas Rama ka thënë se nuk ka dashur të bëjë një debat publik, por nuk kupton se pse Meta e ndalon këtë projekt vetëm për një firmë.

“Tani ne nuk kemi dashur që të bëjmë debat publik, për ta politizuar këtë gjë, po është fakt që ka qysh nga fillimi i nëntorit që presim plotfuqinë për një autorizim formal nga presidenti, pasi kemi bërë të gjithë negociatën me fondin saudit. Dhe faktikisht duhet ndërtim total. Në momentin që nuk i jepet kjo fuqia ne nuk e realizojmë dot”,- tha Rama.