Aktorja Delinda Disha e cila tashmë i është bashkuar ‘Klanifornisë’ u largua 2 vjet më parë shumë zhurmë nga ‘Portokalli’ madje iu desh të përballej edhe në gjykatë për ndërprerje të kontratës. Pas largimit të saj të bujshëm, duket se nuk i ka dalë ende inati me regjisorin e dikurshëm të ‘Portokallisë’, Altin Bashën, të cilit këtë vit iu besua spektakli në RTSH.
Delinda bëri një postim në Instastory ku me ironi shkruante: “Bravo TVSH, mbrëmë ka qenë kokë më kokë me TV Shijakun.”
Kujtojmë që dy vite më parë Delinda Disha bëri të ditur se i kishte ardhur një padi nga ‘Top Channel’ paso kishte filluar punë tek ‘Klaniformia’.
Delinda Disha:
“Shiko, faktikisht mua padia më ka ardhur gati 4 muaj pasi kisha filluar “Klanifornian” dhe më bëri pak përshtypje me thënë të drejtën sepse unë u ndava shumë mirë me të gjithë, duke filluar që nga Vjollca dhe gjithë të tjerët. Nuk e prisja por ja që ndodhi dhe e turpshmja është që arrin dëri aty sa të hedhin në gjyq duke falsifikuar dhe firmën tënde në një kontratë me të cilën të hidhnin në gjyq Delindën sepse unë marrëdhëniet me Top Channel i kam mbyllur që në 2018.
Ata kanë bërë një kontratë 2-vjeçare që nuk funksionon sepse ne kontratat i kemi pasur 1-vjeçare. Ata kanë bërë një kontratë 2017-2019 në të cilën kishte një klauzolë që ndodhej në kontratë që unë nuk duhet të punoja një vit në asnjë televizion konkurrent aq më tepër në televizionin Klan etj etj. Duke qenë se unë i kisha mbyllur marrëdhëniet mund të isha shumë konshiente për largimin tim nga ai shoë humori dhe shkova u largova, ndërkohë që në janar më vjen kërkesë padia.
Është e turpshme, unë e përjetova për hir të vërtetës, por tani e kam marrë shumë lehtë sepse e drejta fiton gjithmonë. Është e turpshme që një televizion të arrijë deri në këtë farë niveli që të falsifikojë kontratën e një nga aktorëve që për 5 vite sa kam qenë aty kam pasur marrëdhënie shumë të mira dhe jeta është e gjatë, ndoshta unë mund të shkoja prapë”, shprehej Delinda.
Diskutime rreth kësaj post