Tuna dhe Patrisi kanë qenë ndër vite një ndër çiftet më të përfolura në showbiz-in tonë. Dyshja që në nisje të këtij raporti pati ulje dhe ngritje, duke u bërë shpesh objekt i lajmeve që flisnin për një ndarje aspak të lehtë.
Por u duk se gjërat u qetësuan kur dyshja u bënë prindër të Tian të vogël dhe shfaqeshin kudo të tre, më të dashuruar se kurrë. Në verën e këtij viti qarkulloi lajmi se këngëtarja ishte shtatzënë për herë të dytë, por vetë Tuna nuk e pranoi këtë lajm dhe vazhdoi të “luante” me mediat.
Megjithatë ditët e fundit çifti përflitet se është ndarë dhe i kanë dhënë fund martesës së tyre. Lajmi për ndarjen e tyre erdhi pasi Tuna hoqi mbiemrin e Patrisit nga “Instagram”-i i djalit të tyre, por edhe e ka hequr plotësisht nga lista e personave që ndjek në këtë rrjet social.
Pas përfundimit të historisë së tyre, duket se Tuna ka vendosur që të largohet nga Kosova. Ajo ka hedhur dy foto në rrjetet sociale, ku ka treguar se është zhvendosur në Miami të SHBA-ve dhe po shfrytëzon diellin për të bërë plazh. Këngëtarja ka shfrytëzuar këto ditë dielli, duke postuar në rrjetet sociale, ku shfaqet tërësisht e lumtur. Së bashku me të është edhe këngëtarja Linda Halimi me bashkëshortin e saj.
Tuna duket se ka vendosur ta kalojë këtë ndarje duke shijuar rrezet e diellit dhe pushimet buzë detit. Nga ana tjetër, Patrisi në Kosovë, duket se ka përfituar nga ndarja me Tunën për t’u afruar me vëllain e tij, Robertin.
Diskutime rreth kësaj post