E moshuara i preu rrugën dhe e turpëroi para të pranishmëve, reagon për herë të parë deputeti shqiptar pas videos që qarkulloi me shpejtësi

Një video, ku deputeti Selam Janisheri debaton me një zonjë teksa presin në një qendër shëndetësore u bë virale në rrjetet sociale. Deputeti u kritikua se donte të hynte pa radhë duke shfrytëzuar postin.

Janisheri në një reagim për “Shqipëria live” u shpreh se priti radhën por zonja kishte një sjellje të pahijshme. “Unë nuk isha për vizitë si të tjerët, doja thjesht të pyesja kush është mjeku im i famjiljes. Prita në radhë pas zonjës por ajo filloi të ofendonte”.

Në video ai dëgjohet të thotë se s’ka polici që e arreston dhe këtë e shpjegon thjesht me faktin se nuk po bënte asgjë të gabuar. Megjithatë shton: “që të më arrestojnë duhet të mblidhet i gjithë parlamenti” (bazuar te imuniteti i deputetëve).