‘Po e them për herë të parë’, autorja “Për’puthen” zbulon surprizën, ja çfarë do ndodhë me emisionin pas 3 janarit 2021

Autorja e produksionit ‘Përputhen’, Olsa Muhameti ka treguar për herë të parë surprizën që ka për publikun e emisionit pas 3 janarit të vitit 2021.

Ajo ka zbuluar se pas 3 Janarit, programi do të kalojë në orën 21:00.

Olsa shprehet se e dinte që formati që do të sillte për herë të parë në ekranin shqiptar do të trazonte ujërat, por shton se “nuk e dinte që do të vinte me një sukses që ka sot”.

Pjesë nga intervista:

Çfarë surprizash priten për Vitin e Ri?

Do ta them për gazetën Shqip për herë të parë. Më datë 3 janar në orën 21:00, ne startojmë “Për’puthen prime” një program, ku do të do të ketë ekskluzive të javës, përmbledhje, të ftuar,ecc për të mos i zbuluar të gjitha tani. Një format prime time dhe mund të them se ky është plotësimi i dëshirës së shikuesve tanë pasi gjatë gjithë kohës na e kërkojnë “Për’puthen” në fundjavë. Kështu që “Për’puthen” do vijë të dielën në orën 21:00 me premierën e datës 3 janar.

Çfarë synimesh ke në vijim me emisionin?

Synimi i vetëm i emisionit është që të nxjerrë çifte. Pra ky emision nëse ka arritur përputhjen, ka arritur gjithë synimin e tij.