Nga 5 kandidatet gra që janë dëgjuar sot në Komisionin e Ligjeve, Evgjeni Bashari dhe Helena Papa janë dy kandidatet e kualifikuara që kërkojnë të marrin drejtimin për 7 vitet e ardhshme të Inspektoratit të Lartë të Deklarimit dhe Kontrollit të Pasurive dhe Konfliktit të Interesave (ILDKPI).
Deputetët janë ata që do të zgjedhin se cilën prej dy kandidateve do të votojnë për kryetare të ILDKPI.
Duke qenë se mandati i kreut të ILDKPI-së Shkëlqim Ganaj përfundon, Kuvendi ka hapur garën për të zgjedhur drejtuesin e ri. Për postin e kryetarit, ishin në garë Dhimitrula Spiro, Evgjeni Bashari, Helena Papa, Evis Fico dhe Lefterie Luzi. Kjo e fundit ish-kryetare e KQZ.
Anëtarët e Komisionit, në diskutim jo publik, kanë skualifikuar nga gara Dhimitrula Spiron, Evis Ficon dhe Lefterie Luzin, dhe ka kualifikuar për në fazën tjetër Evgjeni Basharin e Helena Papën.
Diskutime rreth kësaj post