Ministrja e Punëve të Jashtme dhe Diasporës, Meliza Haradinaj-Stublla, ka reaguar pas deklaratës së presidentit serb Aleksandar Vuçiç, se shteti i tij nuk do ta njohë Kosovën, derisa ai është në krye të detyrës.
Shefja e diplomacisë ksoovare ka thënë se me këtë Serbia e përjashton veten nga dialogu deri në vitin 2022.
“Deklarata se Serbia nuk do ta njeh Kosovën deri në prill 2022 ngre dy hipoteza të përbashkëta ekskluzive: a)Serbia përjashton vetveten nga procesi i dialogut i lehtësuar nga BE-ja deri më 2022.
b) Ndërmjetësuesi beson se ‘normalizimi i plotë’ nuk nënkupton domosdoshmërisht njohje reciproke”, ka shkruar Haradinaj-Stublla në Twitter.
Presidenti i Serbisë, Aleksandar Vuçiq, ka thënë se derisa ai të jetë president, nuk do të ketë njohje të Kosovës nga shteti i tij.
“Mendoj se pyetja më e mirë është nëse angazhoheni për njohjes ose mosnjohjes së pavarësisë së Kosovës. Atëherë përgjigja do të ishte po, po dhe jo. Deri në prill të viti 2022, kur do të mbahen zgjedhjet [presidenciale], kjo sigurisht që nuk do të ndodhë”, tha Vuçiç.
Diskutime rreth kësaj post