Ministrja Kushi jep lajmin e rëndësishëm, se çfarë do ndodhë pas Vitit të Ri: “Pushimet dimërore do të jenë me të gjata”

Ministrja e Arsimit, Evis Kushi tha se Ministria e Arsimit është në komunikim të ngushtë me Komitetin Teknik për vijimësinë e zhvillimit të mësimit.

Kushi ka deklaruar se këtë viti pushimet dimërore do të jetë me një afat me të gjatë.

Ministrja sqaroi se ende nuk është marrë vendimi, ndërsa dha dy data të vlerësuara si më të përafërta për nisjen e fillimit të shkollës pas pushimeve, kryesisht data 11 dhe 18.

“I vetmi sinjal që kemi është që pushimet dimërore do të jenë më të gjata. Akoma nuk e kemi vendosur nëse do të jetë 11 apo 18 janar fillimi i shkollës. Theksoj se dinamika e pandemisë do të ndikojë në vendimmarrje”, tha Kushi.

Po ashtu ajo theksoi se efikasiteti i mësimit online nuk është i njëjtë me  mësimin fizik, por Kushi theksoi se për të parandaluar përhapjen e pandem.ise u mor vendimi për procesin e mësimit online dhe të alternuar.