Gara e 25 prillit përballë Ramës, Basha zbulon planin me ‘4 pikat e forta’ me të cilin do të kandidojë për kryeministër

Kreu i Partisë Demokratike, Lulzim Basha ka folur për planin ekonomik, me të cilin do kandidojë për kryeministër në 25 prill 2021.

I ftuar në emisionin “Çim Peka Live”, Basha tha se synimi kryesor i planit të PD është rritja e punësimit dhe mirëqenies, çlirimi i ekonomisë nga monopolet, si dhe rikthimi i konkurrencës.

“Synimi kryesor i planit tonë ekonomik është rritja e punësimit dhe mirëqenies. Plani ynë ekonomik ka si qëllim ta shndërrojnë ekonominë shqiptare nga një i sëmurë që lëngon tek çlirimi i potencialeve të mahnitshme të ekonomisë tonë. Çlirimi i ekonomisë nga monopolet, rikthimi i konkurrencës. Rritja e punësimit dhe mirëqenies do të ndërtojë një Shqipëri të shpresës.”, tha kryedemokrati.