Ilir Meta befason me deklaratën: Ju tregoj pse kryeministri Rama meriton një 10 me yll

Presidenti Ilir Meta shprehet se kryeministri Edi Rama meriton notën 10 me yll. Sipas tij kjo vjen pasi ai ka manipuluar raportet ndërkombëtare.

“Jam ende në krye të detyrës nuk di ta them si do mbahem mend, por me kënaqësi e them se pas largimit të opozitës nga Kuvendi dhe mos futjen në zgjedhje, pas përpjekjeve sistematike të kryeministrit për kapjen e Gjykatës Kushtetuese, Presidenti ishte i vetmi institucion që punonte që demokracia të mos binte në blackout.

Rama meriton 10 me yll se ka manipuluar raportet ndërkombëtare, sikur këtu po bëhej çudi me reformat, ne e dinë se po të kishte ecur kështu me reformat do na ishin çelur negociatat. Qeveria ka dalë nga kontrolli i popullit, përpiqet ta intimidojë e frikësojë popullin. Ky nuk është tipari i një vendi demokratik. Ne as pas 2025 nuk i çelim dot negociatat”, shprehet presidenti në News24.