Ish-kryetarja e Kuvendit Jozefina Topalli është shprehur se partitë politike sot janë të korruptuara, ndryshe nga 15 vite më parë.
Topalli foli edhe për opozitën dhe Partinë Demokratike, ku akuzoi Lulzim Bashën se e ka bërë Ramën të jetë në pozicion mjaft komod për mandatin e tretë.
“Para 15 viteve nuk kanë qenë të korruptuara partitë politike siç janë sot. Kishte agjenda politike që nuk ishin të përkthyera në agjenda ekonomike dhe nuk kishim arritur në privatizim të forcave politike. Sot kemi agjendë ekonomike të lidershipeve të forcave politike. Nuk flitet më për kartë morale, për mision, për përfaqësim realist. Mua nuk ka mundur asnjë të më përfshijë në ndonjë lloj biznesi. Kam qenë pro ndarjes së politikës nga biznesi.
Lulzim Basha ia ka shkruar historinë vetës vet. Pasi ke ikur nga parlamenti, ke dorëzuar bashkinë ke pak gjasa të marrësh qeverinë. Edi Rama është shumë komod me këtë opozitë që ka përballë. Nëse do kishte një PD të konsoliduar Edi Rama nuk do të merrte ndoshta as një mandat të dytë”, tha Topalli në emisionin “Përballë”.
Diskutime rreth kësaj post