“I keni lënë shqiptarët në mëshirë të fatit”, Rudina Hajdari ia numëron ‘një për një’ Ramës dhe ka një paralajmërim

Deputetja, Rudina Hajdari ka akuzuar qeverinë se ka bërë një buxhet që favorizon oligarkët dhe nuk i mbështet qytetarët.

Gjatë fjalës së saj në Kuvend, Hajdari tha se minimalisht janë dhuruar nga BE dhe vendet e tjera rreth 400 milion euro. Sipas saj vetëm 100 milion euro janë përdorur në ndihmë të qytetarëve, pjesa tjetër nuk dihet se ku ka shkuar.

Ajo i ka kërkuar kryeministrit Edi Rama që të tregojë se përse nuk i ka përdorur të gjithë donacionet në ndihmë të qytetarëve të prekur nga pandemia. Më tej, ajo shprehet se një qytetari i janë dhënë 2 mijë lekë në ditë si ndihëm ekonomike për të përballuar këtë situatë të vështirë në të cilën ndodhemi.

“Çdo qytetar i ndikuar nga pandemia ka marrë 400 mijë lekë të vjetra në 3 muaj, i bie që kanë marrë 130 mijë lekë.

70 mijë lekë ujë e drita, i mbetet 60 mijë lekë për të shtyrë muajin.

Po ta bëjmë llogarinë më tej i bie që një familje ka marrë 2 mijë lekë të vjetra në ditë. Por çfarë mund të bëhet sot me 2 mijë lekë. Me 70-80 lekë të vjetra duhet të blini një bukë, më pas në 120 lekë të tjera duhet të shtyni ditën.

Më thoni ju Kryeministër se si duhet të jetojnë shqiptarët që janë të lënë në mëshirë të fatit. Kjo krizë e madhe që ka kapluar vendin erdhi sepse ju vetë paguar koncesionet shumë më shumë në këtë periudhë se sa qytetarët shqiptarë.

Nuk është e vërtetë që kjo qeveri nuk ka patur mundësi ekonomike për të paguar qytetarët.

Janë mbledhur 450 milion euro donacione. Vetëm BE-ja na ka dhënë 50 milion euro. Janë mesatarisht 400 milion euro të marrë për të përballuar situatën e Covid. Kemi pasur ndihma edhe nga SHBA dhe NATO.

Po çfarë bëri qeveria nga këto 400 milion euro të dhëna vetëm nga donatorë. Pse qeveria shqiptare ka ndihmuar me 100 milion euro qytetarët shqiptarë, ku shkuan të tjerat. Pra janë dhënë sigurisht duke iu dhënë investitorëve me koncesione.

Nëse qeveria do t’i kishte përdorur këto 400 milion euro për të përballuar pandeminë, ne mund t’ia kishim dalë. Ne po përballemi me pasoja të mëdha me efektet e krizës të familjet dhe te bizneset, që ne mund t’i kishim ndihmuar”, – tha Hajdari.