Komisioni Evropian ka dhuruar 103,3 milion euro për Shqipërinë, në rrugën drejt integrimit evropian dhe rimëkëmbjen ekonomike.
Programi pritet që të ndihmojë në sundimin e ligjit dhe luftën kundër krimit të organizuar dhe korrupsionit, në përmirësimin e kapacitetit të SPAK, Byrosë Kombëtare të Hetimit dhe institucioneve të pavarura të drejtësisë.
Në programin e ndihmës do të përfshihet edhe përballimi i pasojave të koronavirusit.
“Bashkimi Evropian vazhdon të qëndrojë pranë Shqipërisë. Përballë krizës COVID-19, ne kemi bërë rregullime të fondeve ekzistuese për të ndihmuar Shqipërinë t’i rezistojë sfidave aktuale sociale dhe ekonomike. Në të njëjtën kohë, fondet e BE synojnë të mbështesin reformat kryesore që Shqipëria duhet të zbatojë për të ecur përpara në rrugën e saj Evropiane”, – tha Komisioneri i BE për Zgjerimin, Olivér Várhelyi.
Kjo ndihmë nga KE vjen gjithashtu edhe për krijimin e një kornize të qartë të të drejtave të pronës.
Diskutime rreth kësaj post