Ditën e sotme kryeministri Edi Rama publikoi pamje ekskluzive nga brenda spitalit Covid 1. Në video mjekët shpreheshin se ka ende shtretër të lirë për personat e infektuar nga Covid-19. Lidhur me këtë ka ardhur reagimi i fortë i avokatit Ylli Manjani.
Postimi i plotë:
“Po mjaft, mo mjaft!
Duhet të ketë kufi kjo gjë!
Çfarë po thoni, meqë u hodh njëri nga ballkoni u lirua shtrat në spital?!!
Të nderuar mjekë!
Ju të paktën zyrtarisht nuk jeni në fushatë elektorale. Faleminderit që shërbeni me sa mundeni këto kohë të vështira. U jemi pafund mirnjohës vërtetë!
Por ju lutem lëreni propagandën në videot e kandidatëve politikë.(EDi Rama është tashmë një kandidat). Lerini ata të kandidojnë me njëri-tjetrin.
Se sa shtretër ka e ç’sistem shëndetësor kemi e shohin të gjithë. Ska nevojë as për rreklamë e as për më shumë nxirje… Flet puna vetë. Flasin farmacistët që janë sot më të kërkuarit… Flasin shpenzimet marramendëse të atyre që u bie halli të shërbehen nga sistemi i mrekullueshëm shëndetësor.
Po, të njoftosh shtretër të lirë bash në ditën kur dikush hidhet nga ballkoni i spitalit, kjo është e papranueshme!
As etike e as profesionale!”, shkruan Manjani në postimin e tij në Facebook.
Diskutime rreth kësaj post