U bë nënë për herë të parë, Klea Huta tregon si humbi 16 kg për një muaj

Në qershor të këtij viti, Klea Huta u bë nënë për herë të parë. Ajo solli në jetë Kridin, i cili e ka ndryshuar totalisht atë sikundër na ka treguar edhe vetë aktorja.

Klea ka tërhequr vëmendjen e të gjithëve, pasi është rikthyer shumë shpejt në formë, duke patur një fizik që e kemi zili të gjitha.

Ajo ka bërë një bashkëbisedim me ndjekësit e saj në Instagram, ku një fanse e ka pyetur: “Si ia ke dalë që je në super formë pas lindjes”.

Ndërsa Klea i është përgjigjur: “Mendoj se është edhe gjenetike, por asgjë e jashtëzakonshme. Prej disa komplikacioneve pas lindjes, mu desh të hiqja dorë nga buka dhe kam ngrënë vetëm supëra, lëngje të shtrydhura, gjellë pa bukë. Muajin e parë hoqa 16 kilogramë, nga 19 që mora gjithsej.”