Kryetarja e LSI-së Monika Kryemadhi shprehet se presidenti Ilir Meta i ka zbuluar planin anti-shqiptar kryeministrit Rama. Ajo tha se sulmet e Ramës ndaj Metës janë thjeshtë frikë.
“Sepse mjafton të kthehemi në histori dhe të shikoni që të gjitha gjërat që Rama ka marrë nga politika janë si rezultat të Metës, tre herë kryetar Bashkie për shkak të Ilir Metës. Mjafton të ndjekim historinë e tij, i ka marrë me suportin e Metës, edhe më vota, më pas kemi edhe 2013 që Edi Rama po të mos ishte me LSI në koalicion do e kishte të pamundur fitoren, ai e di shumë mirë dhe toleranca e Ilir Metës sa i përket qeverisjes dhe në 2017 pasi pati një përkrahjes së Bashës, ai grabiti zgjedhjet e 2017. E kupton shumë mirë, se Meta e kupton filozofinë e tij anti-shqiptare, është demaskuar plani i tij, ka ndodhur gjë shtresën e mesme e ka kthyer në shtresë të varfër dhe ka pasuruar klientët e tij dhe kjo gjë është flagrante dhe ka dalë në diell, jo vetëm me ndarjen e Kosovës, marrëveshjes me detit, inceneratorët. Frika që ka ai iu shtua edhe ‘Venecia’, e të rinjve dhe të rejave, e mësuesve, pedagogëve, e SPAK, kjo është frika e madhe, edhe të sjelljeve psikologjike, ai nuk e përballon dot”, shtoi ajo.
“Meta flet vetëm për mbrojtjen e kushtetutës. Flet për probleme që nuk është vetëm e opozitës, por të të gjithë shqiptarëve, në 10 veta, 8 e urrejnë, 2 janë gati ta vrasin, themi vrasje politike. Prandaj qëndrimi Metës nuk ka të bëjë me planin e opozitës, opozita ka planin e saj”, tha Kryemadhi për Report Tv.
Diskutime rreth kësaj post