Ministrja e Shtetit për Marrëdhëniet me Parlamentin, Elisa Spiropali thotë se presidenti Meta sulmon këdo që i del përballë dhe situata e tensionuar që po përjeton Presidenti i Republikës, vjen si pasojë e sondazheve, pasi po sheh që partia e tij po shkërmoqet nën drejtimin e bashkëshortes.
Për sa i përket aludimeve për një pengmarrje të Lulzim Bashës, të artikuluara nga presidenti Meta, Spiropali i siguroi qytetarët me bindje të plotë se mazhoranca socialiste nuk ka gisht në një marrje peng të këtij lloji.
“Në fakt Shqipëria është shumë e madhe dhe ajo që lexoni ju nuk ka lidhje me realitetin. Në politikë do të qëndrosh për diçka dhe do mbrosh bindjet e tua, dhe duhet t’i mbrosh me tekst të bukur.Kur më sulmon institucioni më i lartë i shtetit, duke artikuluar Sekti i Strukturuar Spiropalist i Rilindjes më tingëllon si USSR dhe më vjen për të qeshur.
Është e kuptueshme situata e paqetë që po përjeton presidenti, pasi po sheh ti shkërmoqet partiza e tij, sondazhet e trëmbin. Presidenti ka sulmuar këdo që i ka dalë përballë. Sulmojnë ato media që i dalin kundër. Mendjet konspirativiste mund të shkojnë larg dhe flasin për një marrje peng të Lulzim Bashës. Edhe vetë presidenti foli një për një pengmarrje të Lulzim Bashës, por mund t’iu them me siguri të plotë se Partia Socialiste është jashtë kësaj pengmarrjeve.
Presidenti sulmon me gjuhën e urrejtjes ndërsa ne sulmojmë me metafora letrare. Kur del që presidenti ka dhënë 600 pasaporta duke shkelur ligjin, kjo gjë duhet thënë.Ne nuk jemi aspak të lodhur dhe ato që kemi mbjellë në mandatin e parë dhe të dytë t’i kthejmë në një mandat të tretë qeverisës. Ne kemi bërë disa nga lëvizjet më të mira, jemi ngritur në këmbë tani duhet të ecim më shpejtë. Kemi një plan të plotë rindërtimi me shtëpi, shkolla dhe spitale në tre qarqe dhe do ndërhyjmë si qeveri serioze për të rindërtuar shtëpitë e dëmtuara nga tërmeti”, tha Spiropali.
Diskutime rreth kësaj post