Kryeministri pakistanez Imran Khan i është bashkuar një numri kritikash ndaj presidentit francez Emmanuel Macron lidhur me deklaratat e tij rreth Islamit dhe muslimanëve.
“Tipari i një lideri është të bashkojë qeniet njerëzore, në vend që t’i ndajë ato. Kjo është një kohë kur presidenti Macron mund të veprojë si një shërues dhe t’u mohojë hapësirë ekstremistëve, në vend që të shkaktojë polarizim dhe margjinalizim të mëtejshëm që çon në mënyrë të pashmangshme në radikalizim,” – shkroi Khan në Twitter të dielën.
Ai gjithashtu tha se Macron nuk duhet të inkurajojë kurrë më tej Islamofobinë në daljet publike.
“Eshtë për të ardhur keq që ai ka vendosur të inkurajojë më tej Islamofobinë duke sulmuar Islamin, jo terroristët që kryejnë dhunë, qofshin ata muslimanë, supremacistë të bardhë apo ideologë nazistë,” shtoi Khan.
Ai gjithashtu theksoi se, për fat të keq, Macron vendosi të provokojë qëllimisht muslimanët, përfshirë qytetarët e tij, duke inkurajuar shfaqjen e karikaturave fyese për Islamin muslimanët.
Diskutime rreth kësaj post