Presidenti i Këshillit Europian Charles Michel i ka quajtur të papranueshme deklaratat e presidentit turk Recep Tayp Erdogan ndaj atij të Francës Emanuel Macron. Michell thotë se e dënon qëndrimin e Turqisë dhe sulmin e presidentit ndaj Homologut francez.
“Në vend të një axhende pozitive, Turqia zgjedh sfida, veprime të njëanshme në Mesdhe dhe tani fyerje. Është e papranueshme. Respekt për Evropën dhe Shtetet Anëtare të saj”, shkruan Michel.
Presidenti turk u shpreh se homologu i tij francez ka nevojë për kontroll mendor. Erdogan theksoi më tej se nëse Evropa nuk shërohet nga sëmundja e islamofobisë atëherë ajo do të shkatërrohet. Deklaratat e ashpra të presidentit turk, Recep Tayyip Erdogan i kanë rritur tensionet mes Turqisë dhe Francës. Si pasojë Franca tërhoqi ambasadorin e saj nga Turqia.
Diskutime rreth kësaj post