Ish-ministri dhe anëtari i Komisionit të Vlerësimit të Kandidatëve në Partinë Demokratike, Genc Ruli shprehet se besimi tek partitë politike ka rënë ndër vite.
I pyetur nga Abc News nëse do të sjellë PD rotacion këto zgjedhje, Ruli u shpreh se me procesin e vlerësimit të kandidatëve është rritur disafish besimi në PD.
“…Ka humbje të besimit, tek ajo që është nëna e institucioneve, partitë…Kjo hap temën e madhe që s’duhet të jetë kryetari që i zgjedh deputetët. Problemi nuk është tek sistemi, por tek degjenerimi që i është bërë sistemit. Fenomeni i sotëm është që ky besim te kryetarët ka humbur. PD e lëshoi dorën, PS e rëndoi akoma më shumë…Sot të kthesh këtë besim.. njerëzit kërkojnë më shumë garanci se kaq. Njerëzve duhet t’u kthesh besimin. Jam çuditur nga rritja disafish e besimit që pati ky procesi i PD. Basha e delegoi këtë pushtet tek ne, ai është personi që ka ndenjur me larg komisionit gjatë kësaj periudhe.”, tha Ruli.
Megjithatë, Ruli shtoi se përzgjedhja është e nevojshme por jo e mjaftueshme.
“Ne e sitëm miellin tre herë, cilësia e bukës varet nga bukëpjekësi.”, u shpreh Ruli.
Diskutime rreth kësaj post