Përse del çdo ditë në konferencë? Basha i lë të gjithë pa fjalë me përgjigjen e tij

Kreu i PD, Lulzim Basha ka zbuluar sot arsyen se përse del çdo ditë në konferencë për shtyp për gazetarët. Nga selia blu, Basha tha se del për të ushtruar presion ndaj qeverisë që të zbatojnë planin ekonomik të Partisë Demokratike për të shpëtuar vendin nga “katastrofa”.

Pyetje: Nëse nuk implementohet plani me 5 pika, a keni një skenar çfarë mund të ndodhë?

Basha: Po ndodh tani! Viktimat, të papunët po rriten. Ekonomia dhe shëndetësia po shkon drejt kolapsit. Ne kaq kishim në dorë, të paralajmëronim të keqen. I dhamë edhe planin një kryeministri të lodhur, pa ide, pa mendje dhe pa zemër. Prandaj dal ditë për të ditë për të bërë presion. Bëhet fjalë për jetë, jo për interesat e forcës time politike. Kjo është arsyeja pse po e bëj këtë përpjekje.