Listat e kandidatëve për deputet të PD për zgjedhjet e 25 prillit të 2021-shit kanë shkaktuar mjaft zhurmë dhe kundërshti edhe nga vet demokratët.
Pedagogia Haris Vogli refuzoi të ishte pjesë e listave të kandidimit në zgjedhjet e 25 prillit nën logon e PD-së.
Vogli shpjegoi sot për A2CN arsyet e këtij refuzimi që, sipas saj, ka të bëjë me angazhimin e saj akademik, por edhe për shkak të emrave në listë, pasi e konsideron parlamentit si kultin e përgjegjshmërisë për të përfaqësuar kombin dhe do të donte të shihte më pak të rinj.
“Është përgjegjësi, ndjej se kam për të investuar te vetja ime, kam disa etapa akademike, kam kërkuar mundësi për t’u arsimuar dhe kjo ishte arsyeja dhe parlamenti është një përgjegjësi shumë e madhe dhe kontributin nuk e shoh në legjislativ, por në qeveri, akademi e rrjete sociale.
Ishte ngacmimi që më erdhi nga pjesa më e madhe që ishin në listë, mu duk histeri kolektive, dalldi. Parlamenti është kult dhe maja e përgjegjshmërisë për të përfaqësuar një komb të tërë. Do të doja përgjegjësi të atyre emrave që dalin në listë, do të dëshiroja më pak të rinj”, – shprehet Vogli, ndërsa merr si shembull idhullin e saj politik Gramoz Pashkon, që e konsideron një nga mendjet më të ndritura të ideve politike.
“Gramoz Pashko ndër mendjet më të ndritura që ka ngritur themelet e ideve demokratike në vend dhe ai ka qenë shumë pak protagonist në skenë”.
Për Voglin në Shqipëri është rrënjosur mentaliteti i dëshirës për të qenë në parlament, sesa për të sjellë ndryshimin. Duke e konsideruar veten pakicë ajo i bën apel shumicës për reflektim, për të përfaqësuar zërin e qytetarëve.
“Në Shqipëri është rrënjësor një mentalitet, që më shumë dëshira është për të qenë në parlament sesa për të sjellë ndryshim, ndryshimi më i madh duhet të vijë nga vetja.
Përbëj pakicën dhe vij ndryshe te shumica, do të doja që reflektimi të ishte më i madh te personat që përfaqësojnë zërin e qytetarëve të cilët janë më pak të përfaqësuar”, u shpreh pedagogia Vogli.
Diskutime rreth kësaj post