Monika Kryemadhi ditën e sotme ka zhvilluar një takim me kryesinë e kësaj partie në qytetin e Durrësit.
Kryemadhi e ka quajtur Ramën “kryeministër të degraduar”, ndërsa është shprehur se LSI do të ndezë motorrët në maksimum për të qenë forcë e parë në qytetin e Durrësit në zgjedhjet e 25 prillit.
“Durrësi është një qytet që sot ka më shumë rëndësi se Tirana, për shkak të influencës që ka në politikën dhe ekonominë shqiptare. Do të dëshiroja që nëpërmjet këtij takimi të ndezim motorrët në maksimum për të krijuar bindjen te çdo qytetar që Shqipëria është shtëpia e të gjithëve. Durrrësi është shtëpia e durrsakëve, edhe e atyre që kanë lëvizur për të shkolluar fëmijët e tyre në një vend tjetër.Shiu i 25 prillit do ta lajë baltën e Durrësit dhe do ta kthejë si më parë, një nga qytetet më të bukura dhe më të adhuruara për ne tironsit, edhe pse unë jam nga Dibra por lindur e rritur në Tiranë. Jam e bindur që gara do të jetë e madhe në Durrës, Tiranë e Fier.Dua të përshëndes të gjithë suflerët e kryeministrit të degraduar, ta dinë që LSI-në do ta kenë forcë të parë në Durrës”, tha Kryemadhi.
Diskutime rreth kësaj post