Presidenti Ilir Meta ka ngritur sërish shqetësimin lidhur me ikjen masive të shqiptarëve. Meta shprehet se shpopullimi është një armik për të gjithë rajonin, por thekson se situata në Shqipëri është edhe më kritike se kudo tjetër. Presidenti për këtë fajëson qeverinë dhe bën thirrje për reforma të guximshme, të shpejta dhe të prekshme, që rikthejnë shpresën tek të rinjtë shqiptarë.
Postimi i Metës:
“Të gjitha vendet e rajonit tonë kanë një armik të përbashkët: Shpopullimin, veçanërisht largimin masiv të të rinjve.
Në rastin e Shqipërisë, situata është edhe më kritike se kudo tjetër, për shkak të një qeverisjeje të mbrapsht që nuk respekton liritë, të drejtat dhe dinjitetin e njeriut, ka shkallmuar shtetin e së drejtës, refuzon sundimin e ligjit, dhunon brutalisht demokracinë dhe provokon rëndë paqen sociale.
Të gjitha vendet në rajon, veçanërisht Shqipëria dhe Bosnje-Hercegovina, e duan integrimin europian, që nuk duhet të jetë thjesht retorikë për të marrë financime nga Komisioni Europian dhe institucionet e BE-së, por që në radhë të parë kërkon reforma të guximshme, të shpejta dhe të prekshme, që rikthejnë shpresën tek të rinjtë dhe garantojnë të ardhmen e sigurtë europiane të vendeve tona.”, shkruan Meta.
Diskutime rreth kësaj post