Bashkëkryetarja e Këshillit Politik ka folur pas mbledhjes ku ishin të pranishëm Damian Gjiknuri i PS, deputeti Myslim Murrizi dhe përfaqësuesit e opozitës jashtëparlamentare Oerd Bylykbashi e Petrit Vasili.
Hajdari u shpeh se PS nuk po merr parasysh kërkesën e tyre për lista të hapura dhe se i vetmi qëllim i tyre është qëndrimi në pushtet.
Ajo theksoi se nuk do të bëjë asnjë centimetër pas dhe ftoi kolegët e opozitës parlamentare të bojkotojnë çdo mbledhje ku refuzohet hapja 100% e listave.
“Është e trishtë që PS këmbëngul me një draft hileqar për hapjen e listave 100%. I bëjmë thirrje gjithkujt që është serioz për hapjen e listave 100%. Ne nuk mund të negociojmë me sovranitetin e popullit. Parlamenti i ardhshëm duhet të jetë i përgjegjshëm. Nuk ka centimetër pas. Ftoj kolegët e opozitës parlamentare të refuzojmë të shkojmë në çdo mbledhje ku refuzohet hapja e listave 100%. Beteja e tyre është për një pushtet personal.”, – tha Hajdari.
Diskutime rreth kësaj post