Avokati Ylli Manjani ka ironizuar përmes një postimi në rrjetet sociale, kërkesën e Edi Ramës për një mandat të tretë qeverisës, ndërsa shkruan se “duhet të kalojmë te mandati i 4-rt, pasi i 3-ti u mbyll me suskes”.
Manjani i referohet ndryshimeve në Kodin Penal të miratuara në kohën e karantinës, duke u shprehur se “ne kemi ligje daneze, por s´kemi spitale”.
Postimi i Manjanit:
“Kush thotë se qeveria dhe ai pak shtet nuk ka marrë masa anti-COVID e ka gabim. KAZAN është!
Përveç racionit të dajakut normativ, me konsensus të plotë Qeveri-Presidencë-Parlament, në kulmin e pandemisë u bë Kodi Penal Danez. Në ligj që të dënon me burg pse sëmuresh…
Pavarësisht se nuk pati konsensus për të rregulluar ndonjë spital apo për të paguar mjekët, janë bërë ligjet Daneze të dajakut. Jo çdo gjë bëhet me konsensus…
Skemi spitale, por ama kemi ligje. Daneze madje.”
Fundja ne ishim në “luftë me armikun e padukshëm”, jo me sëmundjen. Ligjet Daneze duheshin për të bërë zap “tradhëtarët” që donin të dilnin nga shtëpitë e tyre…
Me këto ligje Daneze e bëri zap kët milet qeveria e madhe. Me këto ligje bleu shërbime me mallra pa tender e pa garë. Me këto ligje shëmbi edhe Teatrin Kombëtar…
Nuk janë masa këto?! Çfarë doni më shumë?!
Prandaj und them të kalojmë te mandati i katërt se i treti u mbyll me sukses…”, ka shkruar Manjani.
Diskutime rreth kësaj post