Nënkryetari i Partisë Demokratike, Edi Paloka i është kundërpërgjigjur fjalës së kryeministrit Edi Rama nga qyteti i Vlorës. Në fjalën e tij, Rama premtoi ndërtimin e disa rrugëve të reja që do të lidhin qytetin me fshatin, duke mos e harruar premtimin për aeroportin, ndërsa Paloka shprehet se numri një i qeverisë nuk i ka mbajtur premtimet e tij.
Sipas demokratit, shqiptarët nuk duan të dëgjojnë më pretimet e bëra nga socialistët dhe se meritojnë ndryshim për një jetë më të mirë.
“Prapë me filma ky: në vitin e tetë të qeverisjes së tij të dështuar, Rama vazhdon me filma dhe projekte në letër. Sepse në realitet, terminalet, autostradat, portet, aeroportet që ai premtoi janë vetëm fjalë boshe dhe premtime të pambajtura. Në realitet, sot shqiptarët janë më të varfër dhe të pasugurtë se më parë dhe çdo ditë Rama e thellon më shumë hendekun ku ka rënë vendi me qeverisjen e tij. Shqiptarët nuk duan më filma, ata kërkojnë dhe meritojnë”, ka shkruar Paloka.
Në fjalën e tij, Rama foli për aeroportin e Vlorës, Rilindjen urbane, pandeminë e koronavirusit dhe në fund për zgjedhjet parlamentare të 25 prillit.
Diskutime rreth kësaj post