Avokati i njohur Saimir Vishaj ka thënë se vendimi i gjykatës për ta lënë këngëtaren Fjolla Morina në “arrest shtëpie” është një vendim i drejtë dhe nuk duhet të paragjykohet. Edhe pse vendimi është dhënë nga një gjyqtare e cila kishte pak vite eksperiencë.
Vishaj tha për Report tv se vendimi “arrest shtëpie” nuk domethënë se është e pafajshme, por se do hetohet në gjendje të lirë.
Avokati theksoi se nëse vërtetohet akuza “trafik armësh dhe municionesh e kryer në bashkëpunim” gjendja për Morinën do përkeqësohet.
Nëse vërtetohet falsifikimi i dokumenteve të shtëtzënisë, atëherë Vishaj tha se këtu hyn në lojë SPAK-u.
“E para duhet të kuptojmë që gjykata e ka konsideruar të ligjshëm arrestimin në flagrancë në lidhje me veprën trafik i armëve dhe municioneve. Gjykata ka vepruar drejtë me masën “arrest shtëpie” pasi nuk i ka dhënë pafajësinë. Ajo është e fajshme. Ajo do hetohet në gjendje të lirë. Nuk duhet të paragjykojmë vendimin e gjykatës. Kujtojmë që SPAK-u para pak ditësh për një gjyqtar i cili dyshohej për korrupsion vendosi “arrest shtëpie”. Ligji duhet të jetë njësoj për të gjithë. Trafikimi është 7-15 vite burgim, nëqoftëse provohet bashkëpunimi, shkon deri në 20 vite. Nëse ka bashkëpunim situata e saj do rëndohet. Më tej i takon SPAK-ut të hetojë”, tha Vishaj.
Pyetje: Bie poshtë versioni i shtatzënisë, cili e shihni vendimin e gjykatës edhe pasi ra poshtë pretendimi se ajo është shtatzënë?
“I takon SPAK-ut. Nuk i takon më gjykatës dhe prokurorisë së Kukësit, i takon SPAK-ut. Lëshimi i dokumentit të mjekut që ajo është shtatzënë është veprim korruptiv, nëse vërtetohet që nuk është. Është njësoj si një veprim apo falsifikim që bën një gjyqtar apo prokuror. Këtu hyn në lojë SPAK”, përfundoi avokati Saimir Vishaj.
Diskutime rreth kësaj post