“Deti do të dalë në rrugë!” Cikloni alarmon autoritetet greke, Profesori i Menaxhimit të Fatkeqësive Natyrore tregon çfarë pritet

Shpallet gjendja e jashtëzakonshme nga autoritetet e Greqisë rreth 8 zonave, pas parashikimit se një ciklon do të godasë detin Jon.

Kryetari i Komitetit Kombëtar për Ndryshimet Klimatike dhe Profesori i Menaxhimit të Fatkeqësive Natyrore, Costas Synolakis, sugjeroi “evakuime, të paktën në zonat bregdetare, sepse deti do të dalë në rrugë”.

“Banorëve të Greqisë Perëndimore duhet t’i kushtojmë vëmendje të veçantë”, – theksoi ai.

“Jini të përgatitur për skenarin më të keq”, – tha ai, duke vënë në dukje se mund të ketë probleme me furnizimin me energji elektrike dhe ujë në zonat e goditura nga moti i keq.