“Kjo deklaratë ishte e shëmtuar”, Ylli Manjani mesazh të fortë pas largimit të Besa Shahinit

Besa Shahini, ministrja e larguar nga kryeministri, akuzoi PD-në se e kanë fyer për dialektin. “Jam ndier e fyer shpesh nga opozita. Ka pasur ish-deputetë të Partisë Demokratike, deputetë aktual, këshilltarë apo analistë që më kanë fyer për dialektin”, tha Shahini.

Kjo deklaratë për ish-ministrin Ylli Manjani mbetet e shëmtuar.

Postimi i plotë:

“Numri 1, në shqipen letrare shkruhet dhe lexohet një. Kur shqiptohet “ni” (jo një), konsiderohet dialekt dhe jo diskriminim.

Aq më pak dialektalizmi ka lidhje me rracizmin.

Mbrojtja që i bëri vetes si “viktimë” e bullizmit dhe e “taktikave rraciste” ishte dhe mbetet e shëmtuar.

Po që edhe asaj që iku i doli fajtor Saliu?!

Megjithatë jam dakort të mos merremi me dialektin dhe dialektfolësit. Aq di, aq thotë e aq bëri, pavarësisht dialektit.

Me Atë që sundon duke folur në gjuhë letrare, duhet të merremi! Ai ka radhën të japë llogari dhe jo të kërkojë llogari”, ka shkruajtur Manjani.