Këshilli Politik do të mblidhet nesër pasdite në 17:00 për të kryer raundin e dytë të reformës zgjedhore, për hapjen e listave dhe ndalimin e koalicioneve.
Por Kushtetuta dhe ligjet nuk kanë asnjë afat që t’i detyrojnë palët të nxitojnë, duke lënë të hapur mundësinë që ligji zgjedhor të ndryshohet edhe pak ditë përpara votimeve.
Partia Socialiste pasi ndryshoi e vetme Kushtetutën, ka thirrur të hënën PD-në dhe LSI-në për të ndryshuar me konsensus Kodin Zgjedhor dhe për të përcaktuar rregullat e lojës për hapjen e listave dhe ndalimin e koalicioneve.
PD-ja kërkon hapjen 100% të listave që votuesit të zgjedhin vetë kë duan të çojnë në parlament, ndërsa PS-ja ka një mendim alternativ në emër të barazisë gjinore, që kryetari i partisë të jetë përcaktues për një pjesë të listës dhe pjesën tjetër ta përcaktojë elektorati.
Sa i përket koalicioneve, PS-ja thotë se nuk mund të jenë sikur janë aktualisht, por të ketë një listë të vetme të përbashkët. Këtë gjë e kundërshton PD-ja, që këmbëngul që të jenë sikur janë. Se cfarë do të ndodhë mbetet për t’u parë.
Diskutime rreth kësaj post