Bie numri i pacientëve të shtruar në spitale nga Covid 19, 174 persona, 14 më pak se dje kur ishin 188. Ministria e Shëndetësisë, njofton se 21 prej tyre ndodhen në terapi intensive ndërsa 7 pacientë janë të intubuar, në gjendje kritike për jetën.
Po ashtu në dy spitalet, atë Infektiv në Qendrën Spitalore Universitare “Nënë Tereza” dhe spitalin “Shfeqet Ndroqi” po marrin shërbime të specializuar disa qytetarë të cilët kanë qenë pozitivë me COVID19 dhe aktualisht janë negativizuar, por po vijojnë të marrin trajtim spitalor për pasojat e sëmundjes.
Duke u trajtuar sipas protokolleve të posaçme në spitalin “Shefqet Ndroqi” janë edhe pacientë me simptoma të koronavirusit, por që kanë rezultuar negative me anë të tamponit.
Ndërkohë ministrja e Shëndetësisë, Ogerta Manastirliu ka njoftuar se gjatë 24 orëve të fundit, 51 qytetarë e kanë fituar betejën me Covid-19.
Diskutime rreth kësaj post