Eugena Tomini, shefja e Survejancës dhe Shërbimit të Inteligjencës Epidemike në ISHP dha një lajm të mirë për situatën me koronavirusin. Ajo tha se kemi ndryshim nga gushti, me një qëndrueshmëri të pozitivitetit te testeve të koronavirusit. Megjithatë ajo sqaroi se nuk kjo nuk do të thotë se jemi drejt fundit të pandemisë.
Në një intervistë për News 24, Tomini tha se do duhet shumë kujdes nga e hëna, ku punonjësit e administratës kthehen në kapacitet të plotë në punë si dhe rikthimi i nxënësve në shkolla.
Pjesë nga intervista:
Tomini: Realisht janë orët e fundit nga deklarata e përditësuar nga ministria e Shëndetit. Deri tani nga monitorimi situata është e njëjta me rastet pozitive. Jemi në pozitivitet ke 18 % për sa i përket testimeve dhe rasteve të konfirmuara. Kemi një ndryshim nga gushti në lidhje me pozitivitetin, në këto dy javë tani kemi një qendrueshmëri të pozitivitetit.
Ky është një lajm i mirë, a tregon se do përfundojë kjo situatë?
Tomini: Jo. Nuk themi se po dalim nga kjo sitiatë, pasi kemi rikthim me kapacitet të plotë të punonjësve të administratës dhe rikthimin në shkolla, prandaj duhet të jemi më alert dhe të sigurohemi për zbatimin e masave dhe protokolleve.
Diskutime rreth kësaj post