Ministrja Elisa Spiropali ka qenë në Kavajë ku është mbajtur Asambleja Socialiste për këtë qytet. Spiropali shkruan në një postim në rrjetet sociale se kavajasit më mirë se kushdo e dinë ndryshimin mes PS dhe opozitarëve tanë zulmë-mëdhenj e punë-pak.
Sipas saj, nga Saliu i Parë (I) e të gjithë me radhë, Kavajën e përdorin si slogan dhe e tundin si flamur
Postimi i plotë:
“Me Asamblenë Socialiste të Kavajës për të vijuar organizimin kapilar deri në fitoren e #25Prillit.
Kavajsit më mirë se kushdo e dinë ndryshimin mes nesh dhe opozitarëve tanë zulmë-mëdhenj e punë-pak. Nga Saliu i Parë (I) e të gjithë me radhë, Kavajën e përdorin si slogan dhe e tundin si flamur. Në fakt e lanë pas një bastion të keqpërdorur, të painvestuar, të pazhvilluar.
Për ne Kavaja është një bashki me potencial të jashtëzakonshëm. Qeveria dhe bashkia Kavajë, kanë investuar fuqishëm për t’i ndryshuar faqen. Siç e meriton qytetaria dhe njerëzit e kësaj zone të begatë.
Ne jemi bashkë në ditë të mira, por edhe në ditë të vështira. Vlerësimi i dëmit për çdo pallat dhe shtëpi, dëmshpërblimi për mijëra familje në kohë rekord, u pasuan nga Programi i #Rindërtimit, një tjetër dëshmi e fortë se #BëjmëçkaThemi!
12 shkolla të reja moderne, një zonë e re zhvillimore ku do të ndërtohen 7 pallate me 300 apartamente banimi dhe infrastrukturë shoqëruese, por edhe puna vijuese për ndërtimin e banesave individuale në bashkinë Kavajë Nj.Administrative Golem, Luz i Vogël dhe Helmas janë prova e fortë se pushteti nuk është qëllim në vetvete, por mjet për të arritur qëllimet.
Investimet e qeverisë dhe bashkisë nuk do të ndalin për të tjera punë transformuese në Kavajë, ashtu siç ky vend i meriton dhe i ka pritur për kaq vjet, që nga koha kur shëtisnin këtej anëve punëhiçët që u ndëshkuan me votë dhe do të ndëshkohen sërish.
#Bashkë #PërShqipërinëqëDuam
#PsQarkuTiranë”. – shkruan Spiropali.
Diskutime rreth kësaj post