Jozefina Topalli tha hapur se nuk do rikthehet në parti sa të jetë Basha, Patozi zbulon cili është problemi më i madh në PD

Astrit Patozi, e ka cilësuar si të drejtë vendimin e Jozefina Topallit për të mos u rikthyer më në PD, për sa kohë në krye të saj do të jetë Lulzim Basha.

“Ky është një zgjidhje e Jozefina Topallit. Unë me të ndaj shumë gjëra të përbashkëta. Unë kam marrë një vendim para saj. Unë kam thënë nuk kam asnjë punë me me partinë personale të Lulzim Bashës. Mund të jetë një mendim i përbashkët i të gjithëve ne që ikëm”, u shpreh Patozi në Report Tv.

Më tej, koordinatori i Bindjes tha se në PD mungojnë rregullat minimale të një organizate politike.

“Problemi nuk është largimi i Jozefinës, e i gjithë të tjerëve që janë larguar. Po aty mungon minimumi i rregullave që mbajnë bashkë indivdët në një organizatë politike. Unë mendoj se ajo ka bërë zgjedhjen e saj dhe ka të drejtë”, përmbylli ai.