Debate dhe reagime të shumta ka sjellë marrëveshja ekonomike mes Kosovës dhe Serbisë e cila u nënshkrua në Uashington nën mbikëqyrjen e Presidentit Amerikan Donald Trump.
Sëfundmi historiani Shaban Murati, ka komentuar një ndër pikat më të forta të marrëveshjes e cila lidhet me mini Shengenin ballaknik, të cilën e quan më shumë serb sesa shqiptar.
Nëpërmjet një postimi në rrjetin social “Facebook”, Murati shkruan se qeveritë e Tiranës dhe Prishtinës po gëzojnë me daulle mini Shengenin serb të cilin ai e quan “Sindromën e xhelatit me víktimën”.
Postimi i plotë i Shaban Muratit:
“Sindroma e Beogradit”. Qeveritë e Tiranës dhe të Prishtinës nuk qenë në gjendje të bëjnë mini Shengenin shqiptar dhe po bëjnë me daulle mini Shengenin serb.
Mirë Prishtinën në dukje po e martojnë me zor, po Tirana pse e ka këtë entusiazëm, kur ka qenë njëherë e martuar me Beogradin në vitin 1946 dhe konsumuan martesën me zonën e përbashkët ekonomike, me bashkimin ekonomik dhe doganor, me njësimin e lekut shqiptar me dinarin jugosllav, etj. dhe kur kryeministri i atëhershëm shqiptar me padurim i kërkonte me letër Titos të caktonte datën e bashkimit formal dhe përfundimtar të Shqipërisë me Jugosllavinë.
Dashuria e víktimës me xhelatin e saj nuk është vetëm histori letrare. Është gabim të quhet “sindroma e Stokholmit”. Para saj kemi “sindromën e Beogradit” te qeveritë shqiptare në kohën e vjetër dhe në kohën e re.” – ka shkruar Shabani.
Diskutime rreth kësaj post