Besa Shahini njoftoi largimin nga qeveria në përfundim të mandatit, vjen mesazhi i fortë nga LSI

Besa Shahini, ministre e Arsimit që prej dhjetorit 2018, duket se nuk do të vazhdojë edhe për shumë gjatë të mbajë këtë post.

Shahini deklaroi se ka marrë vendimin që të largohet nga Shqipëria në përfundim të këtij mandati qeverisës dhe se ajo nuk do të përfshihet në fushatë elektorale.

Pas deklaratës së ministres, ka reaguar edhe ish-deputetja e LSI-së Floida Kërpaçi, e cila e akuzon Shahinin se ka shkatërruar të ardhmen e mijëra maturantëve me të famshmin Turi.

“Pas shkatërrimit të së ardhmes së mijëra maturantëve me të famshmin Turi, prej të cilit na iku truri, Ministria Shahini ka vendosur të largohet nga qeveria dhe Shqipëria.

Ky është modeli: vijnë, shkatërrojnë, shpërdorojnë dhe ikin!Këtij modeli i ka ardhur fundi”, – shkruan Kërpaçi.