Kreu i Kuvendit, Gramoz Ruçi në seancën e parë plenare për këtë sesion të ri parlamentar i është rikthyer edhe një herë ndryshimeve kushtetuese, të votuara në 30 korrik.
Ruçi theksoi se ndryshimet Kushtetuese e bëjnë garën më të fortë, ndërsa thekson se ato nuk ishin një hile e shumicës në Kuvend, apo prishje e rregullave.
“Ndryshimet kushtetuese për sistemin nuk ishin hile e shumicës dhe as prishje e rregullave të lojës, por jetësim i forcës së parlamentarizmit.
Këto ndryshime nuk ishin një vetëtimë në qiell të pastër.
Kuvendi u hapi rrugën ndryshimeve i bindur se e bëjnë garën më konkurruese dhe qytetarët më përfaqësues që do ti përfaqësojnë ata në Kuvendin e ardhshëm.
Ndryshimet e avancojnë demokracinë brenda partive dhe rrisin përfaqësimin e qytetarëve“, tha Ruçi.
Diskutime rreth kësaj post