Kreu i Bindjes Demokratike Astrit Patozi nuk la pa komentuar dhe procesin e përzgjedhjes së kandidaturave për deputetë në Partinë Demokratike. Ai e konsideroi atë një instrument të kryetarit të partisë Basha për të mos mbajtur përgjegjësi personale për listën e kandidatëve që do të nxjerrë.
Patozi shtoi se qëndrimi i tij është në të njëjtën linjë me Jozefina Topallin.
“Nuk më pëlqen të flas për zhvillimet e brendshme në Partinë Demokratike që kam përshtypjen që është një proces i sforcuar për të mos thënë që është një farsë. Është një instrument i Bashës për të nxjerrë gështenjat me duart e të tjerëve, për të mos pasur përgjegjësi personale për listën që do të nxjerrë”, – u shpreh Patozi për A2.
Diskutime rreth kësaj post