Për herë të parë, Asambleja Kombëtare e PS do të zhvillohet online, në pamundësi për të mbledhur fizikisht një numër të konsiderueshëm njerëzish , për shkak të pandemisë Covid-19.
Ndryshime të rëndësishme pritet të ketë në kupolën e Partisë Socialiste pasi nga Asambleja do të dalin dhe organet drejtuese të kësaj partie, sekretari i përgjithshëm i Partisë, kryesia, dhe sekretariati ekzekutiv. Sa i përket kryesisë, jo pak pikëpyetje ka për disa nga anëtarët aktual si Ditmir Bushati, Fatmir Xhafaj, Vangjush Dako etj.
Report tv ka bërë të ditur sot se, selia rozë po shqyrton mundësinë e mbledhjes së ekipeve të saj në 3 rajone të Shqipërisë, rajoni i veriut të organizohet në Shkodër, rajoni qendror në Tiranë dhe jugu në Fier.
Ndonëse nuk është caktuar ende një datë, i sigurt është fakti që Asambleja Kombëtare e PS do të mblidhet brenda javës së parë të shtatorit, pra pa filluar sesioni i ri parlamentar.
Diskutime rreth kësaj post