Gjykata e Posaçme e Apelit do të japë nesër vendimin për sekuestrimin e pasurive të biznesmenit Ylli Ndroqi. Mësohet se seanca do të mbahet nesër në mënyrë që të shqyrtohet plotësisht dosja voluminoze.
Duke folur para mediave, avokati sqaroi se janë demonstruar të gjitha provat dhe sipas tij, të gjitha pasuritë janë 100% të ligjshme dhe nuk ka burim parash të dyshimta. Avokati shtoi se paratë janë krijuar nga një aktivitet tregtar i regjistruar në tatime që prej vitit 1993, i kredituar në banka që prej vitit 1996.
“I demonstruam të gjitha provat, pjesa më e madhe janë të krijuara nga bankat, aktiviteti tregtar është 100% pasuri e ligjshme, nuk ka as indicie për pasuritë e krijuara nga Ylli Ndroqi. Aktiviteti tregtar janë kontrolluar nga Tatimet ndër vite dhe ia demostruar gjykatës. Sot depozituam kopje të pasaportës të zotit Ndroqi. Pretendohet se është arrestuar në shkurt të 2015, nuk ka asnjë arrestim zoti Ndroqi. Ne konsultuam fashikullin dhe nuk ka asnjë dokument nga Italia që ka qenë i arrestuar, ka vetëm nga Interpool Tirana që pretendon se është arrestuar. Nuk di në Itali të jetë arrestuar ndonjëri me vendim të shfuqizuar. Provat tona janë mbi 1000 prova, kemi depozituar për çdo pronë provat tona.
Zoti Ndroqi nuk i fshihet drejtësisë, po hetohet mbi bazë të disa indicieve, nuk ka kualifikimin për ta bërë vetë, ka zgjedhur avokatin. Kemi një mal me prova që janë fatura të shoqërisë se Prokuroria pretendon se 2003 ke pak të ardhura, 2005-2006 ke shumë të ardhura. Zoti Ndroqi do i bëj të ditura vetë, se kush politikan i bën presion në kohën dhe në momentin e duhur”, tha avokati i Ndroqit.
Diskutime rreth kësaj post