Siç e kishte paralajmëruar, presidenti i vendit, Ilir Meta, ditën e sotme se do të dilte në një konferencë për shtyp për situatën e Covid-19 dhe për krizën humanitare që ndodhi prej ditësh në Kakavijë.
Presidenti Meta në fjalën e tij shprehet i tronditur nga situata e krijuar në Kakavijë.
“Situata ka të bëjnë me përgjegjësitë e pamarra nga qevetria shqiptare. Qeveria vë gishtin tek pala greke, por është përgjegjësia e saj të marr përsipër zgjidhjen e situatës. Por unë jam i tronditur ditët e fundit nga situata humanitare që u krijua në Kakavijë. Të moshuar, fëmijë u lanë në kushte teje të vështira.
Kam bashkëpunuar me qeverinë, për të kapërcyer sa më parë situatën e pandemisë në vendin tonë. Situata të tilla ka edhe në kohë normale, sidomos në Kakavijë në muajin gusht, por në këtë kohë pandemie kërkohej një sensibilim, që të parandalohej ajo që ndodhi.
Radhët e gjata janë të pajustifikueshme. Këto sitata cënojnë integritetin e shtetit dhe rrezikojnë shëndetin e njerzve. Përgjegjësia është vetëm mbi qeverinë shqiptare”, – u shpreh Meta në fjalën e tij gjatë konferencës për mediat.
Diskutime rreth kësaj post