Vangjel Tavo paralajmëron kthesën e madhe në politikën shqiptare: Kjo ditë s’do ju vijë më kurrë. Ramën e ka shpallur si ‘non grata’

Ish-deputeti i LSI, Vangjel Tavo shprehet se populli shqiptar e ka vulosur si ‘non grata’ kryeministrin Rama.

Postimi i plotë:

“Populli shqiptar e ka vulosur si non grata kryeministrin dhe të gjithë sektin e tij të rilindjes.

Turp miq. Turp dhe dëm i madh. Korrupsioni dhe papunësia në nivele të larta të paprecedenta. Të gjitha institucionet janë jashtë funksioni zyrtar dhe kontrolli. Vjedhja po shtohet pasi e dinë që edhe pak kohë u ka mbetur. Të vjedhim sa të mundim shprehen edhe haptazi nëpër kafene sepse s’do na vijë më kjo ditë.

Dhe vërtetë kjo ditë s’do ju vijë më kurrë. Sepse dita e halabakëve nuk do vijë më kurrë.

Dita e këtij sekti që tradhtoi socialistët e thjeshtë e të ndershëm, qytetarët dhe fshatarët e thjeshtë e të ndershëm nuk do vijë më kurrë.

Ajo që po afron është shpresa dhe një e ardhme më e mirë. Më shumë punësim. Taksim i ndershëm. Dhe më shumë përkrahje për bizneset e mëdha dhe ato familjare, bujqësinë, turizmin dhe më shumë mundësi për rininë tone të mrekullueshme”, u shpreh Vangjel Tavo.